Sas Amministratziones Comunales de Ossi, Bultzi, Laerru, Martis, Piaghe, Sènnaru, Uri, Ùsini gràtzias a unu progetu presentadu in su 2017, lege N.482 de su 15/12/1999, cun Ossi comune cabufila, ant abertu s'Isportellu Linguìsticu Subracomunale ''Su sardu est in totue'' chi si òcupat de contivigiare sa limba sarda. Sas operadoras incarrigadas sunt Adriana Cocco pro su Comune de Sènnaru, Anna Laura Pirisi pro sos Comunes de Ossi, Piaghe, Uri, Ùsini, Francesca Sini pro sos Comunes de Bultzi, Laerru e Martis. Sas operadoras ant a tradùere in sardu sos documentos in essida dae sos Comunes, sos materiales publitzitàrios e ant a fàghere initziativas pro sas pitzinnas e sos pitzinnos e sa populatzione: laboratòrios didàticos, atividades de promotzione e valorizatzione culturale de su territòriu e ant a fàghere totu su netzessàriu pro impreare sa limba sarda comente limba veiculare.
Su coordinamentu iscientìficu est de s'Istitutu de Istùdios e Chircas Camillo Bellieni de Tàtari.
Finas a su 1 de Cabudanni totas sas atividades ant a èssere sighidas dae domo.
Totus sos chi nde cherent ischire de prus podent imbiare una e-mail a s'indiritzu susarduestintotue@gmail.com
